TheCable

Wani faifan bidiyo da ke yawo a kafafen sada zumunta ya yi ikirarin cewa an sako Ramon Abbas, wanda aka fi sani da Hushpuppi daga gidan yari.

Bidiyon ya zuwa yanzu ya sami ra’ayi sama da 1.9m, 2,400 suk kara tura shi, sharhi 957 da sama da 7,000 son shi akan X, wanda a da a ka fi sani da Twitter.

Taken bidiyon da @praiseoghre ya raba ya karanta: “A saki Hushpuppi daga kurkuku, bari mu yi fatan ya koya daga kurakuransa.”

Hushpuppi’s been released from jail, let’s hope he has learnt from his mistakes 🙏🏾 pic.twitter.com/AtB6bdtMr0

Advertisement

— 🅱️abygirl4️⃣life🔱🔱 (@praiseoghre) November 30, 2023

A cikin bidiyon, ana iya ganin Hushpuppi yayin da wasu abokansa suka gaishe shi a filin jirgin sama, yayin da yake rike da jaka.

An kuma ga wasu mutane da dama a cikin faifan bidiyon suna daukarsa da wayoyinsu na zamani a lokacin da yake fitowa daga filin jirgin.

An kuma raba bidiyon a shafuka da dama akan Facebook, tare da ikirarin cewa Hushpuppi ya fita daga kurkuku.

WANENE HUSHPUPPI?

Huspuppi wani shahararren ɗan Najeriya ne na intanet wanda ke zaman gidan yari na shekaru 11 a Amurka saboda “damfara ta yanar gizo ta duniya”.

An ce ya aikata laifukan da suka hada da hada-hadar kudi, damfara ta yanar gizo, sata, damfara, damfarar banki da satar bayanan sirri na Dirham biliyan 1.6 (kimanin Naira biliyan 168).

A cikin watan Yunin 2020, jami’an hukumar bincike ta tarayya (FBI) sun bi sawu tare da kama shi ta hanyar asusunsa na Google da ke Dubai, Hadaddiyar Daular Larabawa (UAE).

Otis D. Wright II, wani alkali a Amurka, ya yanke wa mashahuran intanet hukunci bayan an mika shi ga Amurka a watan Yulin 2020.

Wright ya umarci Hushpuppi ya biya $1,732,841 a matsayin diyya ga mutane biyu da aka zalunta, bayan da ya amsa laifin da ake tuhumarsa da aikatawa guda daya na hada baki da hannu wajen safarar kudade a watan Afrilun 2021.

A halin yanzu yana zaman gidan yari a Hukumar Kula da Gyaran Tarayya (FCI) a Fort Dix, New Jersey.

TABBATAR DA DA’AWA

Wani bincike da a ka yi ya nuna cewa iLiteTV ya fara daura bidiyon a YouTube a 2018, a lokacin bikin ranar haihuwar Hushpuppi a Cyprus.

Bidiyon ya sake fitowa a YouTube a cikin 2020 bayan kama shi, yana mai nuna cewa a saki fitaccen dan wasan intanet daga kurkuku.

Don ƙarin sanin inda Huspuppi yake a yanzu, TheCable ta leƙa ta cikin rajistar fursunoni na Ofishin fursunoni na Tarayyar Amurka.

Rijistar ta ƙunshi cikakkun bayanai na fursunonin da suka haɗa da suna, shekaru, wurin da ranar saki.

Sakamakon binciken ya nuna cewa wuri Hushpuppi na yanzu shine Cibiyar Gyaran Tarayya ta Fort Dix kuma an jera ranar sakin sa a matsayin Afrilu 2029.

HUKUNCI

Da’awar sakin Hushpuppi ƙarya ne. Bidiyon da ke nuna cewa a sake shi tsohon bidiyo ne daga 2018.

Dangane da bayanai daga Ofishin Fursunoni na Tarayyar Amurka, shahararren mashahuran Intanet har yanzu yana tsare yana ci gaba da zaman gidan yari na shekaru 11.