TheCable

Otu akaụntụ mgbasa ozi ọha nọ na Twitter nke n’aza aha Olusegun Obasanjo, onye ịsị mbụ Naijiria, kwuru na Peter Obi, onye chọrọ ịbụ onye isi obodo, bu mmadụ nwere ùgwù.

Ụbọsị iri na anọ, n’ọnwa June, kà ọ gbasara ozi a.

Ozi ọ gbasara bù foto Obi, ma kwa buru nke Obasanjo.

“Ọ bụrọ ónyé nsọ. Mana n’ime ndị ndọrọ-ndọrọ ọchịchị niine, o nwere ùgwù,” akaụntụ ahụ dèrè.

Nya bụ akaụntụ nwere mmadụ puku ise n’eso ya oge ọ edere maka Obi.

Ndị n’eso ya ugbua elugo puku iri.

Ndị ozi ya masịrị karịrị puku iri atọ na atọ.

Ndị kere ozi ya karịrị puku asatọ.

Ihe ndị mmadu dere banyere ya karịrị narị itoolu.

Ụfọdụ ndị mgbasa ozi ọha hụrụ edemede a kwere na ọbụ Obasanjo dere ya.

Ha jara Obasanjo mma maka nkwàdo ha sị na o nyere Obi.

Onye ọha Twitter na aza Festus Agene kwùrù sị: “Òtùtó ọma si n’ọnụ OBJ.”

Onye ọzọ aha ya bụ Dave Saint tụnyere ọnụ sị: “Ùgwù dị ụkọ n’ime ndị ndọrọ-ndọrọ ọchịchị nke taa. Mmadụ dịka Peter Obi nwere ya nke úkwú. Daalụ, Olusegun Obasanjo, maka okwu ọma gị.”

NCHỌPỤTA

Onwerọ usoro mgbasa ozi kwesịrị ntụkwasị obi nke dere maka ihe ha sị na onye isi mbu obodo Naijiria kwuru.

TheCable kpọrọ Kehinde Akinyemi, ọnụ n’ekwuchitere Obasanjo.

Ọ sị na onwerọ mgbe nya bụ onye isi mbụ obodo Naijiria ji wee kwuo nya bụ okwu.

NKPEBI

Okwu pụtara na mgbasa ozi oha, nke sị na Obasanjo kwadoro Peter Obi, abụghị eziokwu.

Akaụntụ nya bụ okwu sì pụta abụghị nke Obasanjo.